Jesuk, bere nortasuna eta misioa bizitza ematen duen ogia bezala errebelatzen jarraitzen du. Oraingo honetan, Erreinuaren izaera inklusibo eta askatzaileaz ari zaigu, Jainkoaren hautua eta borondatea dena, “ez bainaiz zerutik jaitsi neure nahia egitera, bidali nauenaren nahia baizik”

Jesuk berretsi egiten du gizakiaren behar guztiak asetzen dituen ogia dela, fisikoak zein espiritualak, bizitzaren eta betetasunaren iturri goren. Gonbidatzen gaitu gure gauzatze osoa harekin harreman intimoan aurkitzen.

Sinesgaiztasuna ere ordea bada: gure fedea eta Jesuren mezuaren ulermena oztopa ditzaketen barneko eta kanpoko oztopoak ez al ditut nik ere bizitzen? Zintzoki, zeintzuk? Zapalkuntzak eta bazterkeriak, ez al gaitu alienatzen, Jesuk eskaintzen digun betetasunaren eta bizitza oparoaren esperientziatik aldentzen?

Testuinguru honetan, Jesuk ziurtatzen digu geure izaera edo historia edozein dela ere (irakur Job 25, 4-6), ongi etorriak garela eta beren Maitasun eta Erredentzio Erresuman hartu nahi gaituela: “dejomai”. “Izan ere, guztiok hartu dugu haren betearen betetik, eta maitasuna maitasunaren gain hartu ere” (Jn 1, 16).

Inklusibotasun errotiko hau, bazterketa eta marjinalizazio egiturei aurre egiteko guretzako deia ere bada, Jainkoak gutako bakoitzarentzat nahi duen osobetezko bizitza esperimentatu ahal izango duen gizarte baten alde lan egitekoa. Azken buruan, Jainkoaren borondatearekin konprometitzeko eskatzen digu, gaurtik azken egunera arte, seme-alaba guztien salbazioaren eta betiereko bizitzaren itxaropenean.

Juankar Olaeta