Igor Goitia
Ez zait batere erraza neure buruaz mintzatzea. Izan ere, akademikotik zein lanbideari dagokionetik, inportanteak dira gero egin ditudan biraketak, are, nik askotan esan ohi dudanez, bizialdi ezberdinak ere izan ditudala sentitu uste izateraino Gazte garaian Deustun enpresaritza ikasketak eginda, bankuen munduan eman nion hasiera nire lan-ibilbideari; handik laster enpresa mundura igaroko nintzen kontabilitate arloan jarduteko. Bai batean, bai bestean, behar nuen lekuan eta egitekoetan ez nengoela gero eta jakitunago, filosofia eta teologia irakurketetan atseden hartu eta asetzen nituen nire zaletasun zein jakin-minak. Horrenbesteraino, ezen garai batetik hara aisialdirako nuen zaletasun horrek harturiko tamainak zein fedeak berak aipatu zaletasun horrek ogibide edota, gutxienez, pisu handiago behar zuela nire bizitzan pentsatzera eraman nindutela. Hori horrela, Erlijio Zientzietako lizentziatura PIO XII. Institutuan egitera animatu nintzen. Horrekin batera ere, ikastetxe batean liburuzain eta erlijio irakasle hasi nintzen. Deustun ere kolaboratzaile hasi nintzen arratsaldez “Ekialde eta Mendebaldea eta bere erlijio tradizioak” ikasgaian Joxe Arregiri laguntzen. Urte batzuk igarota, kolaborazio horretatik Unibertsitatean lanaldi osoago bat Etika Aplikatuko Zentroan lortu nuen Peru Sasiaren taldean eta Etikako klase batzuk ematen. Dena ezin hobeto zihoakidala zirudien horretan, ordura artean, sekulan ezagutu ez nuen izugarrizko antsietate prozesu batean sartu nintzen. Gorputza ari zitzaidan abisatzen eta kasu egin behar izan nion eta Unibertsitatea utzi. Orain berriz ere nengoeneko ikastetxera bueltatu naiz, oraingo honetan administrazioan aritzeko kontable gisa. Ezin gogorragoak egin zaizkidan hiru urteko antsietate prozesu honek ezagutzen ez nuen otoitz-meditaziora eraman nau, berorretan sakontzera, eta, horren bidez, ez bakarrik neure onera bueltatu, baizik eta nire oraingo bizitza xume eta sinplea inoiz pentsatuko ez nukeen modu betean sentitzen. Ibilbidea luzea, agian nengoen lekura bueltatzeko. Beharrezkoa baina emandako buelta. Raimon Panikkerrek ondo zioen moduan; Zer da bada bizitza espirituala? hasierara bueltatzea baino, ibilitako zirkuluaren esperientzia egin ondoren baina.

ARTIKULUAK

Abuztuak 5

  Abuztuak 5 Aldi hartan, Jesusek esan zien ikasleei: «Nire ondoren etorri nahi duenak uko egin biezaio bere buruari, har beza bere gurutzea eta jarrai biezat. Izan ere, bere bizia gorde nahi duenak galdu egingo du; bere bizia nigatik galtzen duenak, ordea,...

Isiltasunetik “Egin gabe egitera”

Aurrez, olerkiak baliaturik, ahal nuen moduan baina, isiltasunari heldu nahi izan nion, agian ozta-ozta, trakets samar ziur. Orain baina, hausnarketa lerro hauen bidez, horien ostean omen zeutzan ideia batzuk nahi nituzke hona ekarri. Isiltasuna dugu benetako erronka...

Misterioaren lehorraldia

“Harri koskor baten errealitatea bere betean bagenekusa, berorretan Jainkoa, are bere hirutasun-errealitatean ere, genekusake” ”(El hombre y Dios, p.295). Hastapenerako Zubiriren aipamen honen bidez nahi nioke hasiera eman lerro hauen hausnarketa gaiari....

Joxan Artzeren arrazionalismoaren kritikaren harira…

Aurreko artikuluan Artzeren ekarpen literarioaren atzean zegoen altxor espiritualaz aritu nintzen.  Orain, bere pentsamenduan pixkatxo bat gehiago murgilduta, bere lanetan hainbatetan agertzen den auzi bati erreparatu nahi diot, arrazionalismoaren kritikaren auziari....

Isiltasunaren irrikaz abiatu naiz errealitatearen gaindi

I.Urgentziazko hitz jario berritsuari,urgentziazko egin behar ezin baztertuzkoari,hitz isila ate joka jada dabilkigunean,eguneroko hitzen bidez jada hitz isila ezin isildu daitekeen horretan,isiltasuna bere isilean ezinago ozen mintzo zaigunean. Esan gabea argi eta...

Isiltasuna, errealitatearen iturburua

I.Zera da bada isiltasuna?Errealitateak daregingun bihotz dardara bazik. II.Zer dugu isiltasuna bada?errealitatea ez behartzea baina,errealitateari bere horretan harrera egitea baino,berau besarkatzea baino,dagoen dagoenean geure bihotza zabaltzea baino. III.Dena eta...