Azken urteotan, indarra, boterea eta aurkarien nagusitasuna oinarri dituzten gobernu-sistemak berpizten ari dira munduko hainbat lekutan. Bai gobernu era autokratiko itxietan, bai gobernariak herritarren bozketen bidez izendatzen diren estatuetan.

Estatu horietako batzuetan, agintari hautetsiek beren boterea blindatzen saiatzen diren politikak ezartzen dituzte, giza eskubideekiko mespretxua eta krudelkeriaren erabilera falta ez diren neurrien bidez, beren aginduak betetzen ez dituzten edo politikekin bat ez datozen pertsonak hiltzeraino eramaten dituztenak.

Era berean, ikusten dugu nola sortzen diren horrelako politiken ezarpena sustatzen duten elkarteak, taldeak eta alderdiak, baita gure ingurune hurbilenetan ere. Kanpotik datozen pertsonei eta pobreei uko egitea, atzerritarrak ez izan arren, informazio eta albiste faltsuak erabiltzea haien diskurtsoa inposatzeko.

Begiradan distantzia pixka bat jarriz eta iraganeko historiari begira, jarrera horien atzean beldurra dagoela ikusten dugu; nortasuna, aberastasuna, eragina, boterea, tradizioa… galtzeko beldurra eta botere anbizioa ere.

Litekeena da talde horiek egiten dituzten proposamen batzuk guk positibotzat hartzea, eta zalantzak sortzea proposamen horiek babestu ala ez.

Nazareteko Jesusen jarraipenean bizi nahi dugunok, bere presentzia salbatzailea sentitu dugulako, badakigu Jesusen boterea Maitasunean oinarritzen dela, zerbitzua, errukia eta entrega dela (gurutzea maitasun-ekintza bezala).

Jesusen bizitza eta bere mezua Aitarengandik jasotzen duen maitasunean zentratuta dago, Jaungoikoaren adiskidetzera daramana, barkamenaren eta bakearen loturaren bitartez.

Jesusek indarkeriarik eza eta etsaienganako maitasuna bizi izan zituen eta mendekuaren katearen haustura aldarrikatu zuen, pobreen zaintzan, ahulei laguntzean eta bakearen alde lan egitean zentratu zen.

Hausnarketarako iradokizuna.

Indarraren eta nagusitasunaren berpizte honen aurrean, zeinaren emaitzek erosotasuna, nolabaiteko bake soziala eta aberastasuna ekar diezazkiguten eta Jesusen bizitzak eta mezuak gidatuta…

• Non kokatu behar dugu geure burua maila pertsonalean, herritarren mailan?
• Zer egin behar dugu? Protagonistak izan, ikusle hutsak izan, jasaileak izan?