“Nahi baduzu”… zer nolako indarra duen gure nahiak. Zenbat eskaintza han eta hemen, eta guztiak gu hobeto egon gaitezen, osasun hobeago bat izan dezagun, erosoago bizi gaitezen… ederrak eskaintza guzti hauek bistara. Eta nahi hauetan gure bihotzak atseden hartzen du askotan; Jaunarekin bat egin nahi dugu, baina “distraituak” bizi gara eskaintza guzti honen aurrean.

Jesusek bihotzean desio bakarra gordetzen du, Jaunaren nahia betetzea: “Nahi du, izan zaitez garbi”. Lehen eta orain Jaunaren nahia berdina da, gu ere garbitzea; egia da guk berarekin bat egiteko gonbidapena jasotzen dugula, eta legenardunak egin zuen bezala, guri dagokigula hurbiltzea.

Baina egia da aurretik gure bihotza distrakzioetatik garbitu behar dugula, gure nahia Jainkoarengana hurbilduz. Hau da beti gure tentazioa: gure bihotzetik ateratzen den nahia Jainkoarena dela esatea. Honek gure bihotzak arintzen badu ere, ez gaitu distrakzioetatik aterako.

Eskatu dezagun bihotzez garbitzea, eta ondoren, egin dezagun keinu bat, besteentzat ezaugarri, adierazle izango den keinua.

Muñoa