Eguen Santu hontan
hartu dot atxurra,
hazia ereiteko
ez daukat bildurra,
kendu alperkeria,
gorroto, guzurra,
hori dana behar dot
garbitzeko lurra.

Eguen Santu hontan
berba egokia
ereileak guregan
aspaldi jarria:
gu lur apal landua,
Bera nagusia,
Jaunaren Berba dogu
zorion hazia.

Eguen Santu hontan
eskutik eskura
mundu zuzen justo bat
lantzeko ardura,
pobreak, baztertuak
gizaki, natura,
bizi barri iturri
dabe zure ura.

Eguen Santu hontan
ez dogu berandu,
biziaren errotak
gu eiho ta landu,
gu garau ale ahul
eta zuk gu zaindu:
holan Zure antzera
gaitezen banandu.