Gaurko ebanjelioak kristau bizitzan funtsezko alderdiak diren bidalketa eta konfidantza uztartzen ditu. Lehenengoa, kristau guztiok gure bizitzatik garatu beharreko misioari dagokio: Berri ona ezagutzera eman behar dugu bizi gareneko kontestuan eta egin behar ditugun eginkizunetan ebanjelioaren arabera biziz. Bigarrena, misio horren oinarrian dagoen konfidantzari dagokio. Misioa ez da erraza izango, baina Jauna guri laguntzeko eta indartzeko izango dugu beti.

Fedea ez da guretzat gorde behar dugun zerbait, denekin partekatu behar dugun zerbait bazik. Berri Ona ez da gordetzeko altxorra, besteekin banatzeko dohaina baizik. Jesusek gonbidatzen gaitu gure bizitzaren bidez, hitzez eta ekintzez, gaiztakeriari aurre egiteko konpromisoa hartzera, eta horrela itxaropena eta maitasuna zabaltzera gonbidatuak gara.

Jainkoak bere indarra ematen die sinesten dutenei. Honela, pasartean aipatutako seinaleek adierazten dute egindakoak giza indarraren ahalmenaren fruitua ez ezik, baita egindako horietan Jainkoaren presentzia bera lanean ari delako adierazbide ere badirela. Horrek konfiantza ematen digu, gure ahulezietan ere, Jainkoa gurekin dagoela ezagutarazten baitigu.

Azken batean, testu honek gogorarazten digu ez gaudela bakarrik gure bidean. Jesusek bidaltzen gaitu, baina gurekin egiten du bidea gure hitzak eta ekintzak indartuz, munduan bere maitasunaren lekuko izan gaitezen.

Jesusen aurrean gaurko ebanjelioa hausnartu, eta aztertu nola bizi duzun misioa, eta nola bizi beharko zenuke.

Jon Ona