HITZA
Bizitza Ebanjelioaren argitan: egunero tartea hartzeko gonbidapena
Otsailak 28
Aldi hartan, Jesusek esan zien ikasleei: «Entzuna duzue antzinakoei agindua: “Maita ezazu zeure lagun hurkoa eta gorrota zeure etsaia”. Nik, ordea, hau diotsuet: Maita itzazue zeuen etsaiak eta egin otoitz eraso egiten dizuetenen alde, zeruetan dagoen zeuen Aitaren seme-alaba izan zaitezten, hark gaiztoentzat eta zintzoentzat ateratzen baitu eguzkia eta zuzenentzat eta zuzengabeentzat egiten euria. Izan ere, maite zaituztenak bakarrik maite badituzue, zer sari zor zaizue? Zergalariek ere ez al dute beste horrenbeste egiten? Eta zeuen senideak bakarrik agurtzen badituzue, zer egiten duzue berezirik? Jentilek ere ez al dute beste horrenbeste egiten? Izan zaitezte, beraz, guztiz onak, zeruko zuen Aita guztiz ona den bezala».
Mateo 5, 43-48.
Mateoren Ebanjelioan, Jesusek muga guztiak gainditzen dituen maitasuna proposatzen du. Ez da nahikoa lagun hurkoa maitatzea; etsaiak ere maitatzera gonbidatzen gaitu. Jainkoa Aita bezala aurkezten du, eguzkia eta euria guztientzat ematen dituena, bereizketarik egin gabe.
Gaur egungo munduan, non polarizazioa eta zatiketa gero eta ageriagoak diren, hitz hauek indar berezia hartzen dute. Sare sozialetan, politikan edo eguneroko harremanetan erraza da gure aldekoak bakarrik defendatzea eta besteei etiketa jartzea. Jesusek, ordea, logika hori hausten du eta maitasuna ez baldintzatzera gonbidatzen gaitu.
Maite gaituztenak bakarrik maitatzea naturala da. Baina benetazko berritasuna desadostasunean ere errespetua eta ongizatea bilatzean dago. Horrela eraikitzen da gizarte osasuntsuagoa, non mendekua eta gorrotoa ez diren azken hitza, eta non bihotz zabala den benetazko indarra.
* Ebanjelioaren testuak Loyola Komunikazio Taldearen baimenarekin.
0 Comments