HITZA
Bizitza Ebanjelioaren argitan: egunero tartea hartzeko gonbidapena
Otsailak 20
Aldi hartan, Joan Bataiatzailearen ikasleak Jesusengana hurbildu eta esan zioten: «Zergatik guk eta fariseuek sarritan egiten dugu barau, eta zure ikasleek ez?». Jesusek erantzun zien:
«Ezteietara deituak egon al daitezke triste senar berria berekin duten bitartean? Etorriko zaie senar berria kenduko dieten eguna; orduan, bai, egingo dute barau».
Mateo 9, 14-15.
Atzoko pasartearen guztiz kontrakoa dirudi gaur Jesusek aldarrikatzen duenak. Jarraitzaileek ezteietan balira bezala bizi daitezela babesten du! Ez ote du bada baliorik gehitzen barauak berekin duen zorroztasunak? Zeren barauak gogo erraz edo gustagarriak mugatzen ditu!
Zer dago horren muinean? Baraua zertaz egin behar den: errituaren elikagaietatik ala jarrera berekoietatik. Edo gain-konsumotik. Hainbeste aukeraren boom garai honetan badu garrantzia zera bereizteak, zerk hobetzen duen eta zerk saturatzen. Baraua zerbaiti uko egitea baldin bada, zeri egin uko?
Aurreikusitako barauen harago heltzen dira aldez aurretik antzeman gabeko beste beharrak. Bizitzaren ertzetatik iritsitakoak, gehienbat behar berri bezala: besteen beharretatik ala gizarte egoeratik eratorriak. Beraz, zertan egin barau aldakor bilakatzen da eta adi egon behar zertan estutu ala premiatu behar den. Baraua ZERI egin.
Barau desberdinen artean aukeratu beharko dugunez, hona bigarren gai bat: ZERGATIK honetaz bai eta beste horretaz ez. Garizuman ohartzeko aukera dugu, bereizketa hori urtean zeharreko ariketa izan behar dela.
* Ebanjelioaren testuak Loyola Komunikazio Taldearen baimenarekin.
0 Comments