Garizuma hasi barri
Zugana gatoz eskale:
gardendu aho bihotzak
eraldatu alez ale.
Eta egin gaizuz
bakegile, bakezale.

Garizuman bigarrena
neurriz bizi dei zabala,
berbetan neurriz, erropan
edo gastuetan dala.
Eta egin naizu
bihotzez beti apala.

Garizuman hirugarren
ugari dabil negarra,
mundua maite dodanez
gurea jagon beharra.
Eta egin naizu
benetako herritarra.

Garizuman laugarrena
beti ez zintzo jendea,
Zuk eskeini deustazu
eredu elegantea.
Eta lagun naizu
izaten koherentea.

Garizuman bosgarrena
sakondu Jesusen hitza
Jainko Aitak dakarrena
bakea ta poz bizitza.
Arazoak arazo
indarra dogu otoitza.

Doinua: zabaldu egizuz Jauna.