HITZA
Bizitza Ebanjelioaren argitan: egunero tartea hartzeko gonbidapena
Urtarrilak 1
Aldi hartan, artzainak lasterka joan ziren Betleemera, eta han aurkitu zituzten Maria eta Jose eta haurra askan etzana. Ikusi zutenean, jakinarazi zuten haur hartaz esan zitzaiena. Entzun zuten guztiak harriturik gelditu ziren artzainek esaten zutenarekin. Mariak, berriz, gogoan jasotzen zituen gauza hauek guztiak, bere bihotzean hausnartuz. Eta artzainak Jainkoari aintzaka eta goraka itzuli ziren, entzun eta ikusi zutenagatik; dena aingeruak esan bezala gertatu zitzaien. Jaio eta zortzi egunera haurra erdaindu zutenean, «Jesus» ezarri zioten izena, sabelean sortu aurretik aingeruak esan bezala.
Lukas 2, 16-21.
Aingeruak esandakoa entzun, eta lasterka joan ziren artzainak haurra ikustera, iragarritako Mesiasa ikusteko irrikan, Hark salbatu behar baitzuen herria. Haur jaioberri txiki bat besterik ez dute aurkitu, eta hala ere aintzaka eta goraka gurtu dute. Nork uler dezake egoera hau? Josek ez du ulertzen, adibidez, baina Mariak bihotzean gordetzen du gertatzen ari den guztia. Jaiotza hau ez da soilik haur baten ekintza naturala; Jainkoaren Semearen gizatasunaren agerpen handiena da, munduarentzat salbamena ekartzen duena. Bertan daudenek ez dute oraindik ulertu, baina bai Mariak, eta horregatik, bere bizitza osoa Semearen ondoan egoten pasako du, gurutzean hiltzen ikusi arte. Kristau guztiontzat fideltasun eta konfiantza eredu da Maria.
* Ebanjelioaren testuak Loyola Komunikazio Taldearen baimenarekin.
0 Comments