Harrokeriak bazter batera
izateko gu garana,
kexuak eta aieneak be
zama eta galga dana,
ondasunak zein ohore gose
oztopoa dogun dana,
aginte gose, besteak menpe
erabiltzeko afana:
hori itxita joango gara
ausardiaz Zuregana!

Alkartasunaz, alaitasunaz
gure bihotzak jantziaz,
sufritzen daben txiki, apalak
lagundu gogo biziaz,
besarkada bat, irribarrea
emon bekoki argiaz,
zuzentasuna, askatasuna
altzau, jaso errukiaz:
guzti horregaz joango gara
Zuregana ausardiaz.