Dolua bardin sentidu arren,
bihotzean zauri bana
danok ixil, danok mutu
misterioa da dana.
Fedebakoak ume bat hil da
atsekabez dau esana,
fededunok aingerutxu bat
Jauna doa zuregana.

Mugarik bako amets batean
gizarteak bizi gura,
heriotzaren aurpegi latza
gordetzeko dau ardura.
Jainkorik bako moda honetan
ez bagoaz gu zerura:
Kristo bizi da, bere biziak
laztandu gure tristura.

Ameriketan astero ziran
umetxoak hilkutxetan.
Bermeon hori pasa beharrik
ezin pentsa sekuletan.
Etxeko danoi alkartasuna
dolumina saminetan,
besarkada bat oso handia
bizi daben negarretan.