Pasarte honek emakume anonimo bat aurkezten digu; honek, poza eta miresmena adieraziz, Maria zoriontsu dela aldarrikatzen du, Jesus eraman eta hazi zuelako. Bere hitzek erakusten dute Nazaretekoaren edertasuna eta eragina, entzuten zuten guztien bihotzak ukitzen zituena. Hala ere, Jesusek gonbidapen sakonagoa egiten du: “Zorionekoak, Jainkoaren hitza entzun eta gordetzen dutenak”. Hitz hauekin, azpimarratzen du benetako zoriona ez dagoela soilik lotura gizatiarretan, baizik eta Hitzari leial izatean. Maria da horren adibiderik argiena: mezua jaso zuen, isiltasunean hausnartu zuen, bere bizitzan haragi eta bihotz bihurtu zuen, eta une zailenetan ere tinko eutsi zion. Benetako fedea ez da kanpoko miresmenean geratzen; eguneroko bizitzan txertatzen da, Jainkoarengan konfiantza sendoan.

Prest al gaude gure eguneroko bizitzan Hitz hori entzuteko eta gordetzeko?

Pakea Murua