Jesusek, mendiko sermoian, Itun Zaharreko lege askoren benetako zentzua azaldu zuen. Jainkoak ez duela bilatzen bakarrik arauak kanpotik jarraitzea, baizik eta bihotz zuzena eta maitasunez betea izatea irakatsi zuen. Ez du itxurazko erlijiorik nahi, barrutik eraldatutako bizitza baizik.

Gaizki ulertutako legeetako bat “Begia begiaren ordain, hortza hortzaren ordain ” da. Jende askok mendeku pertsonala dela uste du, baina ez da horrela. Jainkoak lege hau epaileei eman zien zigorrak zuzenak eta ez gehiegizkoak izan zitezen. Mendekua geldiarazteko eta justizia orekatua izango zela ziurtatzeko modu bat zen.

Jesusek irakatsi zuen mendekua bilatu beharrean, errukia erakutsi behar dugula. Horregatik esan zuen: norbaitek masail batean jotzen bazaitu, jarri bestea; norbaitek zerbait eskatzen badizu, eman. Jesusek ez zuen lege-hauste larririk aipatzen, irain txikiak baizik.

Jesusek guk denok maitasunez jokatzea nahi du, baita gaizki tratatzen gaituztenean ere. Kontua ez da guri gainetik pasatzen uztea, baizik eta gorrotoz betetako pertsona ez bihurtzea.

Pakea Murua