HITZA
Bizitza Ebanjelioaren argitan: egunero tartea hartzeko gonbidapena
Otsailak 22
Aldi hartan, Jesusek, Filiporen Zesareara iritsi zenean, galdera hau egin zien ikasleei: «Gizonaren Semea nor dela dio jendeak?». Haiek erantzun: «Batzuek Joan Bataiatzailea dela; beste batzuek Elias; besteek Jeremias edo profetaren bat». Jesusek, orduan: «Eta zuek, nor naizela diozue?». Simon Pedrok erantzun zuen: «Zu Mesias zara, Jainko biziaren Semea». Orduan, Jesusek esan zion: «Zorionekoa zu, Simon, Jonasen semea, hori ez baitizu hezur-mamizko inork agertu, zeruko nire Aitak baizik. Eta hau diotsut Nik: Zu Pedro zara –harkaitza–; harkaitz horren gainean eraikiko dut Nik neure Eliza, eta Herioaren indarrak ez zaizkio nagusituko. Zeruetako erreinuko giltzak emango dizkizut: zuk mundu honetan lotua, zeruan ere lotua geldituko da, eta zuk mundu honetan askatua, zeruan ere askatua».
Mateo 16, 13-19.
Nor da Jesus guretzat? Jesusen proposamena ezagutzen dugu gaur egun hainbeste zorion-eskaintzaren erdian. Bera izan daiteke guretzat ongia egiten pasatutakoa edo nire bizitza osoari zentzua ematen diona. Nola dakit nik hori? Jende askoren erantzun ausarta oinarri hartuta eraikitzen da eliza. Jesus bizitzako ardatz eta arrazoi hartu dute. Hari erantzuteak bidea irekitzen digu benetako dizipuluak izateko, maitasun lokarri amaigabeak lotzeko. Eta bidegabekeriek eta zigorrek harrapatuta sentitzen dena askatzeko. Gure bizitzak hitz egin dezala gure alde, Jauna, zu iragarriz.
* Ebanjelioaren testuak Loyola Komunikazio Taldearen baimenarekin.
0 Comments