HITZA
Bizitza Ebanjelioaren argitan: egunero tartea hartzeko gonbidapena
Otsailak 18
Aldi hartan, ikasleei ogia hartzea ahaztu zitzaien, eta bat bakarra zeukaten ontzian. Jesusek ohar hau egin zien:«Begira gero! Kontuz ibili fariseuen eta Herodesen legamiarekin». Haiek, berriz, eztabaidan ari ziren elkarrekin, ogirik ez zutelako. Konturatu zen Jesus eta esan zien: «Zer ari zarete ogirik ez duzuela eta? Oraindik ez al duzue ulertzeko adimenik? Hain burugogorrak al zarete? Begiak izan, eta ez al duzue ikusten? Belarriak izan, eta entzuten ez? Ez al duzue gogoan, bost mila gizonen artean bost ogiak banatu nituenean, zenbat saski bete zenuten hondarrekin?». «Hamabi», erantzun zioten. «Eta lau mila gizonen artean zazpi ogiak banatu nituenean, zenbat otarre bete zenuten hondarrekin?». Erantzun zioten: «Zazpi». Orduan, Jesusek:
«Eta oraindik ere ez duzue ulertzen?».
Markos 8, 14-21.
“Begira, gero! Kontuz ibili fariseuen eta Herodesen legamiarekin”.
Bai fariseuak eta bai Herodes desberdinak izan arren, berdinak ziren gauza batean: beren interesak eta onura bakarrik bilatzen zuten eta ondorio mingarriak uzten zituzten. Hori guztia ikusirik, ez gaitu harritu behar Jaunak bere dizipuluei egin zien oharrak.
Zergatik egin zien Jesusek ohartarazpen hori une hartan? Beharbada, ikusten ari zelako, fariseuen jarrera zela-eta, dizipuluak “kutsatuak” zeudela, zeinuren bat ikustea espero baitzuten harengan sinesteko. Baina askoz gehiago segur aski: dizipuluen sinesgaiztasun eta jarrera gogorrak horrelako eragin txarrak onartzeko bidea ematen zielako.
* Ebanjelioaren testuak Loyola Komunikazio Taldearen baimenarekin.
0 Comments