Jesusek, ezer esan aurretik, arnasa hartzen du hasperen eginez. Zer pentsatuko ote du une horretan? Badirudi fariseuek ez dutela inongo interesik Jesusek dioena arretaz entzuteko. Jada, hari buruzko aurreiritzia eta epaia eginak dituzte. Egia osoaren jabe direla uste dute, Jesusek pentsatu eta bizi duen mesianismoa desberdina baita. Fariseuek, ziurrenik, galdera hau egiten diote beren buruari: nola liteke Jesus bekatarien zerbitzari eta lagun izatea?

Berak askotan azaldu du, pazientzia osoarekin, Jainkoaren seinale ugari ikus ditzakegula eguneroko bizitzan. Kontua, arreta osoa jartzea da. Askotan, gutxien espero dugun pertsonarengan edo lekuan, aurkitu baititzakegu.

Pakea Murua