Hasierako ukitu bat heldu zait, bereziki “bere aurretik bidali zituen”, “izendatu” ondoren. Bai. Jesus, aurretik ez, atzetik baizik. Jesusek izendatzen dituen haiengan konfiantza jartzen du bide berriak irekitzeko gai izango direla sentituz, eta modu zehatz batean: xumetasunez, bidean, bakea eraikiz, sendatuz, onez elkarbanatzen dena onartuz… Jesus ametsetan? Ez, zuregan, niregan, harengan, elkartearengan konfiantza jarriz; eta Berri On hori zabaltzea posible dela sinistuz. Erantzukizun ederra eta biziemailea, Jaunak eskuetan uzten diguna. Noski, zehaztapen bat azpimarratzea garrantzitsua: “Egin otoitz uzta-jabeari… Eta ez ahaztu, eginkizuna erraza ez dela”. Beti, eta gaurkoan ere, bideetan, etxeetan, Bizitza gehiago sortzea -Jainkoaren erreinua- zail ditzaketen ‘otso’ ezberdinak aurki ditzakegu. Baina, behin eta berriz, berri dezagun: izendatua, bidalia eta esaiezu… Zer esateko daukat? Nondik? Nori? Norekin?