Sartu egunerokotasunean
bulkadetan
inertzietan,
lanaldietan,
ahazteko moduko baieztapenetan,
keinu errepikatuan,
errutinan eta berritasunean,
maitasun zehatzetan.
Sartu bileretan,
otorduetan,
ibilaldietan,
irakurketetan,
sareetan,
proiektuetan.
Elkarrizketetan,
isiltasunetan,
otoitzean
eta nahasmenean.

Sartu beldurretan
eta desioetan.
Urrunaldietan
eta topaketetan.
Gogogabetasunean
eta kontsolamenduan.
Baldarkerian
eta talentuetan.

Sartu nire bizitzan.
Zuk, hitz emandakoa
amaiera arte eramaten duzun horrek,
eta zahagi zaharra
Berria bihurtzen duzunak.

(Itzulpena: Itziar Errandonea)