Dirudienez, ikerlariak ez dira guztiz ados jartzen Nazareteko Jesuren eta Joan Bataiatzailaren arteko benetako harremanen inguruan, eta ezta Joanen jarraitzaileen eta Jesuren hasierako jarraitzaileen artean ere.  Ematen du, ebanjelariak erabilitako tradizioak, aurreko guztiarekikin Joan alderatuz eta goratuz ere, aurreko guztiaren eta guztien gorena izanik ere, Nazareteko Jesuk iragarritako eta bere etorrerarekin batera Espirituaren indarrez gauzatuz doan erreinuko txikiena ere Joan baino handiagoa dela esanez, Jesuren erabateko berrikuntza eta nagusitasuna azpimarratu nahi duela. 

Joan Bataiatzaileak: “Bihozberri zaitezte, gainean baituzue Jainkoaren erregetza” (Mt 3,2); baldintza sine qua non bihozberritzea erreinuan izateko. Baina Erreinuak dena barnebildu eta gainditzen du, bekatuen barkamena barne; orduantxe, barkatzearen bidez sendaturik, hau da, integraturik, osoturik, agertu ahalko dugu, geure jokabideaz, bihotz berria (Mt 3,8). Joanek, bihozberritzearen beharraz, aszeta-bidea aukeratzen du.

Jainkoaren bihozberatasunari erne eta  irekita egonik baino ezin gara ordea benetan bihozberritu, eta horri eskerrak, mugagabe pozik isuri, askatasunez eman (eta jaso), gozatu, eskerturik bizi, eskerrak eman eta salbatu, Jesu-bidea, Eguberria.

Juankar Olaeta