Zergatik egiten ote zien hain zuzenki aurre Jesusek farisearrei? Eta zergatik behin eta gehiagotan zirikatu? Ez zen soilik “egiaren irabazle” sentitzen zirelako eta horretaz harro eta ziur egoteagatik. Noski, “nagusitasun trinko” batean iltzatuta zeuden, euren meritua ukaezin gisa bereganatua zitzaien eta beste guztiak behe-mailan utziak zituzten.

Itxuraz beste alde kontrajarrian, Jesusek ikasleei iradokitzen die ekarpen onak eman ahal izango dituztela, baina ez daitezela horregatik harro sentitu. Fedearen garapena soilik zerbitzari gisa jardutetik etorriko zaielako. Eta bizitza-bideak zalantzak onartu eta ziurtasun-gabezian irautea eskatuko diela.

Ikasleak farisearrak baino hobeagoak ote ziren? Jesusek ez zituen bi bando bereizi nahi, farisearrei uko egin eta bere jarraitzaileak babestuz. Ohartarazi nahi du denok farisear joerako tentaldian tronpatu gaitezkela, egiari muga ezagunak jarriz. Ikasleei irakatsi nahi die ez daitezela ulertu dituzten ezaugarrietan geratu.

Giza historian gertakizun oro desberdina eta errepikaezina suertatzen den bezala, pertsona bakoitzaren bizi-ibilerak ez du pareko berdinik. Antzera, fede-bideak ere zabaltasuna eskatzen du.

Patxi Otamendi