HITZA
Bizitza Ebanjelioaren argitan: egunero tartea hartzeko gonbidapena
Irailak 28
Aldi hartan, Jesusek egiten zituenengatik txundituta zeuden guztiak. Hark esan zien ikasleei: «Hartu ongi gogoan hitzok: “Gizonaren Semea gizakien esku utziko dute”». Haiek, ordea, ez zuten ulertzen zer ari zitzaien; ilun gertatzen zitzaien, eta ez ziren esanahiaz jabetzen; galdetzeak, berriz, beldurra ematen zien.
Lukas 9, 43b-45.
Askatasuna biziki estimatzen dugu. Nork geratu nahi du gizakien (besteen) esku? Gaitzesgarria iruditzen zaigu. Gure testuinguruan, askatasunaren esanahi nagusienetakoa besteen loturetatik libre geratzea da.
Ikaragarria da Jainko hau! Gizakien esku geratzea erabakitzen du!
Giza historiaren eskarmentuari so eginda, gizakien esku horiek ez dira batere fidagarriak. Jesusek bazekien.
Jesus askea zen gizakien eskuetatik alde egiteko, baina kontrakoa erabaki zuen, munduarekiko eta bere buruarekiko askatasun itzela erakutsita.
Askatasunaren esanahi hori iluna da gizakiontzat, are Jesusen jarraitzaileentzat ere, eta beldur ematen du.
Noraino ailegatzen da gure askatasuna?
* Ebanjelioaren testuak Loyola Komunikazio Taldearen baimenarekin.
bai hitz gordinak, LUZIO, baina horrela da kristau bidea, askatasun bidea?