Emaiguzu, Jauna, Bake arrotz hura
borroka betean sortzen dena
su-lore bat bezala;
gauaren erdian hausten dena
kantu ezkutu bat bezala;
heriotza betean iristen dena
espero zen musua bezala.

Emaiguzu beti abantailarik gabe
ibiltzen direnen Bakea,
itxaropen baten haizez jantzirik.
Beldurra gainditu duen
behartsuaren Bake hura.
Bizitzari eusten dion
pertsona askearen Bake hura.
Anaiarteko berdintasunean
partekatzen den Bakea
ura eta hostia bezala.

(Itzulpena: Itziar Errandonea)