Gaurko ebanjelioa gizakiok kanpotik ikusten dugunaren eta Jainkoa egiten ari denaren artean dagoen kontrastea agertarazten duen testu horietako bat da. Jesusen heriotzaren berri ematen digun eszenak, egia esan, bizitza iragartzen digu. Jesusen gorputza zulatzen duen lantzak bataioaren ura eta Eukaristiaren odola sortarazten ditu. Bizituko gaituen Espirituaren bizia da. Jainkoak gauzak egiteko duen moduak nahasketa sortzen digu. Paradoxazalea da Jainkoa, baina haien bidez, errealitateari itxaropenez begiratzen irakasten digu. Itxuraz ikus dezakeguna baino haratago, porrota eta heriotza deritzogun horretan Jainkoak bizitza sortzen ari daiteke, azken finean, Bera bizitzaren eta historiaren Jauna eta Jabea baita.

Kristoren aurrean, gaurko pasartea begiratu eta hausnartu, eta berarekiko elkarrizketan eskaiozu zure bizitzan porrot eta heriotza modura ulertzen duzun guztia haren begiradaz ikusten lagun diezaiozun.