Hilobi bakar ta hiru andra
hasi da egunsentia:
andran bihotza maitez betea
eta hutsik hilobia.
Noiz egin jaku gaua eguna
eta iluna argia?
Noiz hasi jaku lurpetik bero
gu laguntzen eguzkia?
Gordeko ez dan eguzki barri
azken gabeko bizia!

Kendu bildurra, kendu lotsari
alaitu dadin lurbira,
gorroto eta banatzen deuskun
guzurra bota azpira.
Berton ez datza Kristoren gorputz
hilobiak hutsik dira,
hobe bilatu gure herrian
lagun artean begira,
errukiaren bideak jaso
kantatuz: Kristo bizi da!