HITZA
Bizitza Ebanjelioaren argitan: egunero tartea hartzeko gonbidapena
Abenduak 13
Aldi hartan, Jesusek esan zuen: «Zatozte nigana nekatu eta zamatu guztiok, eta Nik arinduko zaituztet. Hartzazue nire uztarria eta ikasi nigandik, gozoa eta bihotz-apala bainaiz, eta aurkituko duzue zeuen arimentzako atseden. Nire uztarria leuna baita, eta nire zama arina».
Mateo 11, 28-30.
“… gozoa eta bihotz-apala”, “arimentzako atseden”, bizitzaren “neke”ak eta “zama”k arinduko dizkiguna, nola ez joan beragana? Ez al dugu bada, batez ere mendebaldeko gure gizarte-bizimodu konpultsibo honetan, horren premia gorria? Hatsa.
Ez al gauzkate uztar-hedeek ito beharrean? Baina, topatzen al dugu beragana joateko beta, parada? Eta bilatu, bilatzen al dugu?
Eta horren ondorioz, Haren irudikoz, ni neu, ba al naiz senide/lagun hurkoarentzat “gozoa eta bihotz-apala”, “arimentzako atseden”, bizitzaren “neke” eta “zama” arintzailea? Betor gugana.
* Ebanjelioaren testuak Loyola Komunikazio Taldearen baimenarekin.
0 Comments