Zergatik penatu eta negar egin zuen gaizkile gisa mespretxatu eta heriotzara eramango zuen hiriaz? Ba, oroz gain, Jerusalemi ere bere maitasunean toki adeitsua egiten ziolako. Hiri Santua izateko mendi gainean eraikitakoa, ikusgarri izango zena… porrot hutsean laster txikitua geratuko zen. Gatza bizigarri izan behar bazuen, gaitz hilgarri bilakatua. Suntsitua izango zela agian Jesus berak aurreikusi zuen, artean jauregi eta tenplu ederrez ardaztua zena, baina birrindua izateko ia bezperatan.

Judutarrek, nagusitasun horretaz liluraturik, ez zuten barnerako bidea egin. Sentsibilitatearen ordez, harrotasun irmoa. Hortik haien beste guztiak gainetik begiratu eta mespretxatzea. Jesusek, bestalde, errukitu egiten denez, hitz maitekorrak eskaintzen dizkie.

Nola ez ote da Bera harik eta hurbilago egongo gure porrot eta akatsetan? Gugan konfiantza jarria du, eta desbideratzen garenean senti dezagun beragandik hitz ederrak eta itxaropena jaso ditzakegula.

Geu ere errukitsu izan gaitezen beherantz doazen egoera, erakunde, talde eta pertsonekin. Ez diezaiogun porrot bakoitzari min eta pena gehiago erantsi.

Patxi Otamendi