Gizateriak lorpen ugari lortu ditu eskubide eta askatasun alorrean.

Hala ere, oso urrun gaude eskubide eta askatasun horiek gizaki guztientzat errealitate izatea lortzetik; izan ere, goseak, milioika gizakiren osasun eta hezkuntza faltak, errepresio politiko eta erlijiosoak, emakumeen egoerak, gerrek, errefuxiatuek milioika pertsona urruntzen dituzte eremu garatuetan bizi garen pertsona askokditugun eskubide eta askatasun horietatik.

Eta gure gizarte garatuetan da non sortzen diren esklabotza berriak, gure askatasuna mugatzen eta are blokeatzen dutenak eta gizarte zuzenago eta gizatiarrago baterantz aurrera egitea zailtzen dutenak.

• Sortutako premia berriak, sare sozial eta komunikabideen bidez aurkeztuak, kontsumora, bidaiatzeko obsesiora, irudi pertsonal onena izatera, sinestezina izatera, apeta hori merezi izatera, luxua zorion-iturri gisa mirestera… gonbidatzen dutenak.

“Zoriona kanpoko ondasunetan, aberastasunetan bilatzen dugu, eta kontsumismoa ongirik handienaren gaur egungo forma da. Baina pozik dagoen kontsumitzailearen figura ilusioz betea da: kontsumitzailea ez dago inoiz pozik, aseezina da eta, beraz, ez da zoriontsua.” (José Luis López Aranguren)

• Influencer-ak, youtuberrak, streamerrak… Horietako batzuek, sare sozialen eta plataformen bidez, jarraipen akritiko eta heldugabea sustatzen dute.
• Zuzenketa eta autozentsura: hauek askatasunari muga jartzen diote eta eragotzi egiten dutefinkatutakoaz bestelakoa dena adieraztea. «Hori egia da… baina ezin da esan». Zentzugabea eta itxuragabea da egia esan ezin izatea eta politikoki zuzena denari bakarrik heltzea. Manipulazioak eta nahi ez ditugun arriskuak hartzeko beldurrak autozentsuratzera bultzatzen gaituzte, gure uste sendoak ez adieraztera; larria, intelektualak edo informatzaileak bezalako pertsonen kasuan, haien betebehar morala gizartearen kontzientzia kritiko gisa jardutea baita.
• Ikusezintasuna eta itsutasuna desberdintasunaren eta bidegabekeriaren aurrean…
• …

Hausnarketarako:

• Jabetzen al naiz blokeatzen gaituzten esklabotza berri hauetaz?
• Zenbateraino nago esklabotza hauetan harrapatuta?

Ezagutzen dugu Nazareteko Jesusen proposamena, bere bizitzan, mezuan eta baloreetan aurkitzen duguna. Jesusek maitasun desinteresatuaren bidez, barkamenaren bidez, errukiaren bidez, gupidaren bidez, amore emanez eta zerbitzatuz esklabotzatik askatzen irakasten digu, honek arriskuak hartzea suposatzen badu ere. Bere proposamen eta eredura jotzeak esklabotza horien aurrean lagun gaitzake.