Badirudi gaurko ebanjelioaren mezua logikaz kontrakoa dela, eta izan ere, halaxe da: Jesusek zabaltzen zuen mezua, Erreinuaren berri ona, alegia, ez dute ondoen ulertzen eta onartzen jakintsuenek, salbatuak izateko beharrik handiena sentitzen dutenek baizik. Eta Jesusek eskerrak eman zizkion Aitari horregatik.

Gaur egun “erreinua” esan beharrean, “Jainkoak bahi duen gizateria” aipa genezake lasai asko, gauza bertsua esateko. Eta hori lortzeko, ez da teoria asko jakin behar; nahikoa da maitatzea, gizaki guztiak berdinak garela, duintasun berbera dugula neba‑arrebatzat elkar hartu behar dugula sentitzea. Hori guztia bultzatu beharko genuke eta horren guztiaren kontra dagoenari aurre egin, Jesusek egin zion bezala, gure inguruko jakinduriak oker gaudela esaten badigu ere.

Eta nondik atera jakituria, zehazki zer egin erabakitzeko? Gure buruari galdera bakarra egin behar diogu, edozein egoeratan gaudela ere: zer egingo luke Jesusek egoera honetan? Jesusek bakarrik baitaki Aitak zer nahi duen eta Aitak ere Jesusen bidez erakutsi baitigu bidea zein den.

Bittor Uraga