HITZA
Bizitza Ebanjelioaren argitan: egunero tartea hartzeko gonbidapena
Apirilak 4
Aldi hartan, ikasleekin mahaian eseria zegoela, larritu egin zitzaion Jesusi barrua, eta argi adierazi zien ikasleei: «Egi-egiaz diotsuet: Zuetako batek salduko nau». Ikasleak elkarri begira jarri ziren, zeinez ari zen asmatu ezinik. Ikasleetako bat, Jesusek hain maite zuena, haren ondo-ondoan zegoen mahaian. Simon Pedrok keinu egin zion, zeinez ari zen galdetzeko adieraziz. Hark, burua Jesusen bular gainean jarriz, galdetu zion: «Zein da, Jauna?». Jesusek erantzun zion: «Ogi-puska busti hau emango diodana, huraxe da». Eta ogi-puska bustiz, Judasi, Simon Iskarioteren semeari, eman zion. Eta ogi-puskarekin batera Satanas sartu zitzaion barrura. Orduan, Jesusek esan zion: «Egin behar duzuna egizu berehala». Mahaikideetako inork ez zuen ulertu zergatik esan zion hori. Judasek diru-poltsaren ardura zuenez, zenbaitek uste izan zuen jairako behar zena erosteko edota behartsuei zerbait emateko esan ziola. Judas ogi-puska hartu eta berehala atera zen. Gaua zen. Atera zenean, esan zien Jesusek: «Oraintxe agertuko da Gizonaren Semearen aintza, eta haren bidez Jainkoarena. Jainkoaren aintza haren bidez agertzen bada, Jainkoak ere bere aintzaz beteko du hura, eta berehala gainera. Semetxook, oraintxe ez nago luzarorako zuekin. Nire bila ibiliko zarete, baina juduei esan niena bera esaten dizuet zuei ere: “Ni noan tokira, zuek ezin zarete joan”». Simon Pedrok galdetu zion: «Jauna, nora zoaz?». Jesusek erantzun: «Ni noan lekura zuk ezin didazu jarraitu orain niri; geroago bai, jarraituko didazu». Pedrok esan zion: «Zergatik ezin dizut jarraitu orain? Neure bizia emango dut zugatik». Jesusek erantzun zion: «Zeure bizia emango duzula nigatik? Egi-egiaz esaten dizut: Oilarrak jo baino lehen, hiru aldiz ukatuko nauzu».
Joan 13, 21-33. 36-38.
Joanen Ebanjelioak Judasen traizioa Jesusen Azken Afariko une garrantzitsu bat bezala aurkezten digu. Jesusek bere ikasleetako batek traizioa egingo duela badaki ere, hunkigarria da oraindik ere ikustea zenbateko maitasuna erakusten dien eta zuzentzeko aukera ematen dien. Azkenean, ordea, badakigu Judasek Jesus traizionatzen duela zilarrezko hogeita hamar txanponen truke.
Judasen traizioa Jesusengandik hurbilen daudenek ere harengandik urrundu daitezkeela gogorarazten du. Leialtasunaren eta harremanekiko konfiantzaren garrantzia ere nabarmentzen du. Gainera, Judasen traizioa eta Jesusek egoera maneiatzeko modua barkamenari eta errukiari buruzko hausnarketa da, baita min egin digutenekiko ere.
Jesusen Azken Afarian Judasen traizioa istorio boteretsua da, maitasunaren garrantziari, leialtasunari, konfiantzari, barkamenari eta errukiari buruz irakasten diguna. Benetan zintzoa denak, traizioa bizitzen du eta nahiz eta bihotzean mindu, ez du Jesusen bidea gelditzen. Jesusen gurutz bidea hastear dago, bide horretan Joanen hitzetan Jainkoaren Aintza agertzeko aukera izango da. Jainkoaren aintza, benetako berradiskidetzea izango da, amodioa era gordinean agertuz.
* Ebanjelioaren testuak Loyola Komunikazio Taldearen baimenarekin.
0 Comments