Badirudi, Jesusek bere inguruan jende asko sumatzen duenean bere mezua zorroztu egiten duela. Berea ez da arrakasta, barruko sendotasuna baizik. Kopuruez ez da fidatzen; dagoeneko, bere bizitzako bidean ikusten ari baita askoren jarraipenak interes ez oso gardenak, ez oso argiak dituztela. Interesagatik, zerbaiten truke jarraitzen diotela. Eta mezua garbia da: Jesusen pertsonari atxikitzearen eskakizuna, ez bere ezaugarriei. Noski, pertsona berezi horrek, Jesusek, ezaugarri batzuk ditu edota azaltzen ditu, baina bere izatea onarri duela, bere izatetik sortzen direnak. Eta egiazko bere jarraitzaile izan, saiatu nahi duenak hortxe du erronka, hortxe bidea: izatea. Nola? Bere jakinduriazko Hitza, bere jakinduriazko predikua oinarri harturik, bihotz-berrituz. Orduan, aurretik eta gaur. Bizitza sendotasunean oinarritzea norberaren esku dago eta etengabekoa da. Gerta dakiguke oinarri hori egoki ez bilatzea. Gaurkoa, dei berezia izan daiteke geure moteltasunetik esnatzeko, astintzeko eta, xumetasunez Jesusen jakinduriazko hitz gaurkotuak aurkitzeko, eta gizadian zabaltzeko. Ikusgarritasun handirik espero gabeko bihotz-berritzea bilatzen edota desiatzen dut?

Arantxa Jaka