HITZA
Bizitza Ebanjelioaren argitan: egunero tartea hartzeko gonbidapena
Urtarrilak 25
Aldi hartan, Jesus Hamaikei agertu eta esan zien: «Zoazte mundo guztira eta hots egin Berri Ona izaki guztiei. Sinetsi eta bataiatzen dena salbatuko da; sinesten ez duena, berriz, kondenatuko. Sinesten dutenek seinale hauek izango dituzte lagun: nire izenean deabruak botako dituzte, hizkuntza berrietan mintzatuko dira, sugeak eskuetan hartuko dituzte eta, edari hilgarriren bat edanda ere, ez die kalterik egingo; gaixoei eskuak ezarriko dizkiete eta sendatu egingo dira».
Markos 16, 15-18.
Jesusen eta bere elkarteen jarraitzaileok ezaugarri hauek izatera deituak gaude:
1.- “Nire izenean deabruak botako dituzte”: kristauok, pertsonak modu duin, eder eta gizatasunez bizitzea eragozten duen horretatik askatzera deituak gaude. Ebanjelioa indar askatzailea da.
2.- “Hizkuntza berrietan mintzatuko dira”: sortzaileak izanez bizitzea da kontua, osasuna, ongizatea, justizia, edertasuna, bakea eta abar piztuko dituzten gizatartze- edo humanizazio-aukera berriak proposatuz.
3.- “Sugeak eskuetan hartuko dituzte”: kristauok gaiztakeriaren eta pertsona eta elkarte gaiztoen aurka borrokatzera deituta gaude, itxaropena ez galtzeko konfiantzaz.
4.- “Gaixoei eskuak ezarriko dizkiete”: gaixotasunak ahuldutako eta baztertutako pertsonak kristau bizitzaren gune izan behar dira. Kontua zera da, bere gorputz- edo buru- arazoengatik inor lekualdatuta edo baztertuta ez sentitzea.
* Ebanjelioaren testuak Loyola Komunikazio Taldearen baimenarekin.
0 Comments