Ikusarazi, Jauna,
zure argi-aurpegia
goizeko hoztasunean,
errekaren ertzean,
udazkeneko garrasian.

Distira egin dezala, Jauna,
zure suzko aurpegiak
aintziretako lanbroan,
zuhaitzen gorputzean,
arroken azalean.

Goratu, Jauna,
zure Pazko aurpegia
orduak pasatzean,
egunen martxan,
urtaroen dantzan.

Distira egin dezala, Jauna,
zure ontasun aurpegiak
eguerdiko euriaren gainean,
hostoen hesiaren gainean,
hegazti migratzaileen gainean.

Distira egin dezala, Jauna,
zure bake aurpegiak
gauzen murmurioagatik,
isiluneetako musikagatik,
hitzen irribarreagatik.

Ibilarazi, Jauna,
zure aurpegiaren argitan
Jerusalemgo plazetarantz,
betikotasun bideetarantz,
gure Aitaren etxerantz.

(Itzulpena: Itziar Errandonea)