Koherentziatik egiten edota egin nahi den bidea ez da erraza. Heriotzazko, iluntasunez josiriko, ulertzen ez diren oztopoak ere eduki ditzake, Jesusi gertatu zitzaion bezala; baina horrek ez du justifikatzen autodefentsa gogor batean kokatzea. Jesusek ere garbi uzten digu. Geure mugek, ahultasunek, behar bada, bizitzazko bidean tinko mantentzea oztopatzen digute, baina erne egon behar dugu amorruan harrapatuta gelditu gabe bidean aurrera zentzuz, arduraz eta erantzukizunez egiteko. Amorruan gelditzeak biolentzia gehiago sortzen du, eta horrek sendotasunean oinarritutako pertsonak izatea oztopatzen digu, eta, nola ez, inguruan eta besteekin bizi gehiago eraikitzea eragozten du. Gure gaurko inguruak zerbait behar badu, besteak beste, hitz gogor eta mehatxagarrien ordez, tinkotasunetik, hitz eta jarrera xamurrak dira. Eta horretan saiatu eta ahalegindu, alde batean ez bada, bestean zerbait egin daiteke eta. Zailtasunak zailtasun, eta mugak mugak izanik eta horiek edukita ere, neuregan eta neure inguruan goxotasunaren, xamurtasunaren hazia, Jesusen antzera, gogoz, nola eskaini eta erein?

Arantxa Jaka