HITZA
Bizitza Ebanjelioaren argitan: egunero tartea hartzeko gonbidapena
Ekainak 21
Aldi hartan, Jesusek esan zien ikasleei: «Ez eman zakurrei gauza sakratuak, ez bota zerriei zeuen harri bitxiak, hankapean erabil ez ditzaten eta, zuen kontra itzulirik, zatika ez zaitzateten. Besteek zuei egitea nahi zenuketen guztia egin zuek ere besteei; horixe da Moisesen legeak eta profetek diotena.
Sar zaitezte ate estutik; zabala baita hondamenerako atea eta lasaia bidea, eta asko dira hortik doazenak. Baina bai estua dela bizirako atea eta meharra bidea, eta gutxi dira aurkitzen dutenak!».
Mateo 7, 6. 12-14.
Gaurko honetan, estreinako esaldiarekin geratuko naiz: “Ez eman zakurrei gauza sakratuak, ez bota zerriei zeuen harri bitxiak”. Egiaz harrigarria egiten zait esaldi hori Jesusen ahoan. Izan ere, zenbat aldiz pentsatu dudan horixe bera egin duela Jainko Jaunak gurekin, guri eman digu bere harri bitxi preziatuena, guri eman digu bere Semea, guri agertu digu bere nahia, bere Berri Ona, Erreinuaren partaide egin gaitu… ezer gorde gabe guztiz eman zaigu…, eta guk zer egin dugu?
Pentsatzen jartze hutsa, zenbat eman digun eta nola erantzuten diogun…
Egiaz, gure pobrezia onartu behar, gure eskasia… eta esker onez goraipatu Jaunak guregatik egin duena.
* Ebanjelioaren testuak Loyola Komunikazio Taldearen baimenarekin.