Piztuera eta gurutzeak

Hemen naukazu, Jainko Ama-Aita,
Zure Pazkoa, Piztuera ospatzen; gurutzeen mundu batean.
Gerrarik gabeko mundu batekin ametsetan.
Gaur, besoak luzaturik,
Zugana jotzen dut, har gaitzazun,
gerraren bidegabekeria jasaten duten guztiak har ditzazun.

Eman argia eta ausardia bidegabekeriak salatzeko
eta Zure alternatiba iragartzeko.
Mundu baketsu eta justu bat bila dezagun.
Eskerrik asko Zu izateagatik gure Gidaria, gure Argia eta gure Bakea.
Amen, halaxe.