Askotan gure bizitza-erritmoak, une bakoitza, kontzienteki bizitzea kostatzen zaigu. Egunak ekartzen dizkigun fruitu asko galtzen ditugu horrelakoetan. Gure gizartean errutina hutsean murgiltzeko arriskua nahiko handia da.
Euskaraz, hitz politen artean, egunsentia dugu.
Zein esperientzia polita den egunsenti berri bakoitza sentitzea, gure zentzumen guztiak esnatzea, goizean leihotik iragazten diren eguzki-izpiez gozatzea.
Egun bakoitzak eskaintzen digun guztia alferrik galtzen ez uzteko, zer egin dezakegu?
Arnasketa zainduz, bidean goazela, zuhaitz baten azpian, itsasertzean…
Bidean gurutzatzen zaigun pertsona bakoitzaren gauzarik positiboena erreskatatzeko argitasuna izatea.
Janaria arretaz dastatzea, nahiz eta “bakarrik” ogia eta ura izan.
Maite eta estimatzen ditugun pertsonei maitasuna adieraztea.
Ilunabarrean, egunean zehar bizi izandakoa bihotzetik pasa eta eskerrak ematea.
Ez ahaztu, ezta une batez ere, bizitzako segundo bakoitza opari bat dela eta, horretaz jabetzean, ausardia izan pozez dantzatu eta abesteko. Horrela, gu maitatzen eta bedeinkatzen gaituen bizitzaren Misterioari omenaldi txiki bat egin diezaiokegu.