Zuzenaren odola
eta gaiztoarena
zure bihotzetik pasatzen dira.
Kolpatzen duenaren bizkarra
eta zartakoa jasotzen duena
zure gorputzaren zati dira.
Zure malkoetan negar egiten dute
onaren minak
eta erasotzailearen nahasmenak.
Zure samurtasunak berak besarkatzen du
Ama Mariaren aurpegia
eta iltzatzen zaituen soldaduarena.
Zure bihotzean ez dago bazterturik,
zure gorputzean denok sartzen gara,
zure malkoetan negar egiten dugu denok,
zure samurtasunean denok gaude.
Utzi zurekin sartzen,
Jauna, zure misterioan,
eta utzi zure nekaldiaren etxean bizitzen
non ezinezkoa dena adiskidetzen duzun!
(Itzulpena: Itziar Errandonea)
