Liluratu ninduzun, Jauna.
Irribarrez egin zenidan so udaberrian
eta horrelaxe hasi zen
gure adiskide eta profeta historia.
Kiskali egin ninduten,
barruan sugarrak eragin,
zure hitz maiteminduak,
zure irribarreak,
zure soak.
Liluratu ninduzun, Jauna,
nik justiziarekin amets egin
eta zuk iragarri egiten zenuenean…
askatasuna, eta ogia, eta bizia emanez.
Halaxe salbatzen duzu!
Eskaini nahi nieke sufritzen dutenei
zuk iragartzen zenuen hura,
eta zure irribarrea,
eta zure soa.
Liluratu gintuzun, Jauna,
eta elkarrekin ekin genion bideari,
zure oin aztarnen bila,
zure adiskide urratsen xerka.
Eta elkarrekin abian garela,
interpretatzen ikasten dugu
zure hitzak,
zure irribarrea,
zure soa.
Lilura gaitzazu berriro, Jauna,
ez dezagula etsipenez amore eman,
zu ondoan ez bazatoz
nekez ibiltzen baikara…
eta astiro.
Presa hartu!
Jar gaitzazu sutan berriz
eta Haizeak heda ditzala
zure soa
eta irribarrea.
Liluratu ninduzun, Jauna.
