Azpikeriaren aurrean, Jesusek abileziaz erantzuten du, haratago daraman begirada eta bizi jarrera eskainiz eta oparituz: neurririk gabeko maitasuna. Apaltasunetik, azkarra eta trebea, benetan. Ez da saduzearren eta lege-gizonen jokaera kitzikagarrian erortzen edota korapilatzen uzten, baizik eta egoerari buelta emanez, era dotorean, beraien ‘itsuskeria’ deskubritzen die.

Gure maitasuna Jainkoagan “bihotz-bihotzez, gogo osoz eta adimen guztiz” oinarritzen bada, ez ditugu jarrera ilunak eta txikitzen gaituzten galderak egingo edota hitzak esango, baizik eta bestea “lagun hurko” bihurtuko dut eta “neure burua bezala” maitatu, bere ona bakarrik bilatuz. Egiazko maitasunak ezinbesteko lotura hau eskatzen du eta trebetasun berriak antzematera bultzatzen. “Maitasunaren neurria, neurrigabeko maitasuna da” zioen san Agustinek. Guztia horretan datza. Non oinarritzen dira neure jarrerak? Maitasunak bizitzan trebatzen al nau?

Arantxa Jaka